Ana səhifə Gündəm |
Ankara terrorunun arxasında dayanan əsas geosiyasi məqsəd Türkiyə-Rusiya toqquşmasını bir az daha qızışdırmaqdır.
Axar.az xəbər verir ki, bu haqda politoloq Elxan Şahinoğlu açıqlama verib. Siyasi şərhçiyə görə, Ankaradakı terroru planlayanlar qarşılarına böyük hədəflər qoyublar:
"PKK əvvəlkitək yenə xarici dövlətlərin əlində alətdir. Terrorun Qəndildə deyil, Suriya ərazisində planlaşdırıldığı məlum olarsa, Türkiyə ordusunun bu ölkəyə müdaxiləsi və ya ən azı silahlı kürdlərin ərazilərini daha intensiv şəkildə bombalaması aktuallaşacaq. Ankara terrorunun arxasında dayanan əsas geosiyasi məqsəd eyni zamanda, Türkiyə-Rusiya toqquşmasını bir az daha qızışdırmaqdır. Bunu arzulayan iki qüvvə var: PKK, onun Suriyadakı törəmələri və İŞİD. ABŞ Suriyadakı silahlı kürdlərə dəstəyindən əl çəkməsə, Ankara-Vaşinqton münasibətlərində də sualların sayı artacaq".
Qeyd edək ki, ötən gün Ankarada baş verən teraktda 28 nəfər ölüb, 61 nəfər isə yaralanıb.
Tarix
2016.02.18 / 17:21
|
Müəllif
Aygün Yusibova
|