Ana səhifə Kult Sinema |
Fevralın 23-də Nizami Kino Mərkəzində Gürcüstanın "K Production" kino şirkəti tərəfindən Azərbaycan kinematoqrafçılarının iştirakı ilə istehsal edilmiş "Robinzon və 9 cümə" bədii filminin təqdimatı keçiriləcək.
Axar.az xəbər verir ki, təqdimatdan əvvəl - saat 17:00-da Nizami Kino Mərkəzinin mətbuat klubunda filmin yaradıcı heyətinin iştirakı ilə mətbuat konfransı olacaq.
Təqdimatda Azərbaycan Respublikası Mədəniyyət və Turizm Nazirliyi ilə Gürcüstan Respublikası Mədəniyyət və Abidələrin Mühafizəsi Nazirliyi arasında İşçi Qrupunun toplantısı çərçivəsində ölkəmizdə səfərdə olacaq Gürcüstan nümayəndə heyəti də iştirak edəcək.
Qeyd edək ki, filmin quruluşçu rejissoru Georgi Kikaleişvilidir. Filmdə Paata Quliaşvili, Vaxtanq Kikabidze, İrakli Pircxalava, Keta Topuriya, Polad Bülbüloğlu, Bəhram Bağırzadə, Manana Çaparidze, Nani Breqvadze, Luçiya Luşik, Arçil Meparidze, Kaxi Kavsadze və başqaları rol alıb.
Tarix
2016.02.18 / 17:30
|
Müəllif
Dilarə Zamanova
|