PKK Avropa Birliyinin terror təşkilatları siyahısındadır və üzv ölkələr bununla bağlı bir sıra öhdəlikləri yerinə yetirməlidirlər.

Axar.az xəbər verir ki, bu sözləri AB Komissiyasının sözçüsü Maya Kosiyansic Avropada PKK üzvlərinin saxlanılmasına münasibət bildirərkən deyib.

Kosiyansic PKK-nın Belçikada telekanallarının olması barədə məlumatların təsdiqlənmədiyini və araşdırılacağını deyib.

Bundan əlavə, o, Ankarada baş verən terror olayına da münasibətini bildirib: "İstənilən terror aktını şiddətlə qınayırıq. Mövqeyimiz olduqca qətidir".

Jurnalistin "YPG-ni terror təşkilatı olaraq görürsünüzmü?" sualına isə sözçü belə cavab verib:

"PKK ilə bağlı mövqeyimi bildirə bilərəm. Çünki terror təşkilatlarının siyasındadır".