Gürcüstan hələ ki, İrandan qaz alışı ilə bağlı qərar qəbul etməyib.

Axar.az xəbər verir ki, bunu jurnalistlərə açıqlamasında Gürcüstanın Energetika nazirinin müavini Mariam Valişvili söyləyib. Onun sözlərinə görə, qaz təchizatçısı nöqteyi-nəzərindən ölkənin əsas strateji müttəfiqi Azərbaycan hesab edilir:

"İran qazı Azərbaycan və Rusiya qazından bahalıdır. Hazırda təbii qazın qiymətinin dinamikası hər gün dəyişir. Onun qiyməti daha çox neftlə bağlıdır".

Qeyd edək ki, Tiflis Rusiyadan qaz alışını artırmaq istəyir. Buna görə də Gürcüstan "Qazprom"la danışıqlara başlayıb. Rusiya ilə bərabər, Tiflis İranla da danışıqlara başladığını bildirib.