Ana səhifə Toplum |
Fevralın 18-də bir sıra kütləvi informasiya vasitələri Azərbaycan-Rusiya sərhədində sıxlığın yaranması ilə bağlı məlumat yayıb.
Dövlət Gömrük Komitəsindən Axar.az-a bildirilib ki, hava şəraitinin kəskin pisləşməsi ilə əlaqədar sərhəddə yerləşən Novo-Filə-Şirvanovka gömrük-keçid məntəqəsində yubanma halı qeydə alınıb.
Adıçəkilən məntəqədə iş vaxtı bitdiyi üçün vətəndaşlar Yaraq-Qazmalar-Samur gömrük-keçid məntəqəsinə yönləndirilib. Nəticədə Yaraq-Qazmalar gömrük-keçid məntəqəsindən keçərək ölkəmizə gələnlərin sayındakı artım Xaçmaz Gömrük İdarəsinin Samur gömrük postunda sıxlığın yaranmasına səbəb oluib.
Azərbaycan gömrük xidməti əməkdaşlarının gördüyü tədbirlər nəticəsində nizamlı qaydada həyata keçirilən gömrük nəzarətinin, eləcə də tibbi müşahidənin aparılması ilə qısa vaxt ərzində sıxlıq aradan qaldırılıb. Hazırda Samur gömrük-keçid məntəqəsi normal rejimdə fəaliyyətini davam etdirir.
Tarix
2016.02.19 / 12:06
|
Müəllif
Emil Salamoğlu
|