Ana səhifə Gündəm |
Bu gün Belarus prezidenti Aleksandr Lukaşenko və
Azərbaycan prezidenti İlham Əliyev arasında telefon danışığı
olub.
APA-nın verdiyi
xəbərə görə, bu barədə Belarus prezidentinin mətbuat xidmətinin
məlumatında deyilir.
Məlumatda bildirilir ki, tərəflər iki ölkə arasında
iqtisadi-ticarət əlaqələrinin inkişafı ilə bağlı müzakirə
aparıblar. "Prezidentlər qarşılıqlı ticarətin fəallaşdırılmasına
hazır olduqlarını ifadə ediblər. Belarus tərəfi xüsusilə, gələcəkdə
üçüncü ölkələrin bazarlarına çıxmaq üçün Azərbaycanla bütün sahələr
üzrə birgə istehsalın yaradılması məsələsini nəzərdən keçirməyə
hazırdır. Dövlət başçıları beynəlxalq gündəlikdə olan məsələləri də
müzakirə edib və ikitərəfli münasibətlərin strateji xarakterini bir
daha vurğulayıblar", - deyə məlumatında deyilir.
Qeyd edək ki, Azərbaycan və Belarus prezidentlərinin sonuncu görüşü
İlham Əliyevin ötən il noyabrın 28-də Belarusa səfəri zamanı baş
tutub.
Tarix
2016.02.19 / 14:09
|
Müəllif
Axar.az
|