İngiltərənin Baş naziri Devid Kemeron Avropa Birliyi (AB) ilə əldə olunan razılaşmadan sonra Birlikdə qalmaq üçün kampaniya keçirəcəyini açıqlayıb.

Axar.az xəbər verir ki, Britaniyaya AB daxilində "xüsusi status" verilməsi üçün müzakirələr aparıldığını deyən baş nazir mühüm razılıqların əldə olunduğunu bildirib.

Baş nazirin sözlərinə görə, AB qaçqınlarına yardım məhdudiyyəti artırılacaq.

"Avropanın işimizə yaramayan hissəsindən kənarda qalacağıq. Açıq sərhədlər, iqtisadi böhran paketi, avronun və İngiltərənin yer almaq istəmədiyi qaydalar xaricində fəaliyyət göstərəcəyik", - Kemeron qeyd edib.

Xatırladaq ki, Kemeron 2015-ci ildə parlament seçkisində partiyasının qələbə qazanacağı təqdirdə AB-dən çıxmaqla bağlı referendum keçirəcəyini açıqlamışdı.