Ana səhifə Planet |
Nyu York ştatında "Yehova şahidləri" dini icmasının mərkəzi qərargahı satılıb.
Axar.az xəbər verir ki, "Blomberq"in yaydığı məlumatda dini icmanın Bruklindəki mərkəzi qərargahının 900 milyon dollara satıldığını bildirilib. İcmanın bundan sonrakı mərkəzi qərargahının Nyu York ştatının Uorvik şəhərində yerləşəcəyi deyilib.
Qeyd edək ki, "Yehova şahidləri"nin mərkəzi qərargahı 5 binadan ibarət olub və 68 min kvadrat metr ərazini əhatə edib. Dini icma bu kompleksi 1969-cu ildə alıb.
"Yehovanın şahidləri" 1931-ci ilə, müasir adı qəbul olunana qədər, "Müqəddəs Kitab tədqiqatçıları" adlanırdı. Onlar bu adı Müqəddəs Kitabdan, Yeşaya peyğəmbərin kitabından götürüblər. "Yehovanın şahidləri"nin tarixi XIX əsrin 70-ci illərində Amerika Birləşmiş Ştatlarında Çarlz Teyz Rassel tərəfindən əsası qoyulan "Müqəddəs Kitab tədqiqatçıları" (Bible Students) hərəkatından başlayır.
Tarix
2016.02.20 / 17:39
|
Müəllif
İlkin Həsənov
|