Ana səhifə Gündəm |
ABŞ Prezidenti Barak Obama ilə Türkiyə Prezidenti Rəcəb Tayyib Ərdoğan arasında fevralın 19-da 1 saat 20 dəqiqə davam edən telefon söhbətinin pərdəarxası detalları bəlli olub.
Axar.az xəbər verir ki, "Hürriyət" qəzetinin diplomatik mənbələrdə əldə etdiyi məlumata görə, Obama söhbət zamanı Suriyadakı əsas hədəflərinin İŞİD-lə mübarizə olduğunu bildirib.
Ərdoğan isə Rusiyanın əməliyyatları nəticəsində müxalifətin İŞİD-lə mübarizəsinin zəiflədiyini deyib.
"Bu barədə Putinlə telefonda danışdım. Putinə açıq şəkildə dedim ki, müxaliflərə qarşı əməliyyatları dayandırın", - Obama cavab verib.
Obama həmçinin türk ordusunun YPG-yə qarşı top atəşlərini dayandırmasını istəyib.
"YPG və Əsəd ordusu birgə hərəkət edir. Hədəfləri İŞİD-lə mübarizə deyil. Əgər Azez şəhəri işğal olunarsa, Türkiyə ciddi köç və təhlükəsizlik problemi ilə qarşılaşacaq. Əsəd, Rusiya və YPG Münhendə əldə edilən razılaşmaya riayət edərsə, top atəşləri də dayanacaq", - Ərdoğan cavab verib.
Qeyd edək ki, fevralın 12-də Münhen Təhlükəsizlik Konfransında bir həftə ərzində Suriyada hərbi əməliyyatların dayandırılması barədə razılıq əldə olunub.
Tarix
2016.02.21 / 11:41
|
Müəllif
İlham Sahiloğlu
|