14:48

Azərbaycanda ilk dəfə təşkil olunan idman gimnastikası üzrə Dünya "Challenge" Kuboku yarışlarının final mərhələsi start götürüb.

Axar.az xəbər verir ki, Birinci Avropa Oyunlarında 5 medal qazanan Azərbaycan atleti Oleq Stepko kişi gimnastların halqa ilə yarışlarında 14.700 xalla bürünc medal qazanıb.

Türkiyəli İbrahim Çolak (15.450 xal) birinci, yaponiyalı Kazuma Kaya (14.800 xal) isə ikinci yeri tutub.

***

İdmançımız Oleq Stepko kişilərin dayaqla tullanma yarışlarında 14.650 xalla gümüş medala sahib olub.

Yaponiyalı Kenzo Şirai 14.975 xalla qızıl medalı qazanıb. Bürünc medala isə 14.400 xalla türkiyəli Əhməd Öndər sahib çıxıb.

***

Oleq Stepko kişilərin paralel qollarda yarışlarında 15.550 xalla qızıl medala sahib olub. Türkiyəli Fərhad Arıcan 15.350 xalla gümüş, yaponiyalı Kazuma Kaya isə 15.250 xalla bürünc medal qazanıb.

Azərbaycan gimnastı Marina Nekrasova isə 13.200 balla sərbəst hərəkətlərdə bürünc medal qazanıb. Qızıl medalı braziliyalı Flaviya Lopes (13.650 bal), gümüş medalı isə isveçli Emma Larsson (13.400 bal) əldə edib.