Almaniyanın "Velt am Zontaq" qəzeti son buraxılışında "Dünya müharibəsinin ssenarisi" adlı məqalə dərc edib.

Axar.az xəbər verir ki, məqalədə dünya müharibəsinin başvermə ehtimalına daha çox yer ayrılıb.

"Suriya böhranında super güclərin qarşılıqlı maraqları şiddətlə toqquşur. Qlobal qarşıdurmalar qaçılmaz olub. Düşünün ki, müharibə baş verdi. Bu ssenaridə Rusiya-ABŞ müharibəsi baş verərmi? Barıt çəlləyinə çevrilən Suriya bütün fəlakət ssenarilərinə açıqdır. Super güclər arasında qarşıdurma, müharibə uzun müddətdir yox idi. Artıq hər şey ola bilər. Böyük müharibələr xırda səbəblərdən baş verib. Rusiya, ABŞ, Türkiyə qırıcıları havada açıq ova çıxıblar. Türkiyə Prezidenti Rəcəb Tayyib Ərdoğan öz pilotlarına yaşıl işıq yandırıb. Fransa Prezidenti Fransua Olland da açıqlamasında Rusiya-Türkiyə müharibəsi çıxa bilər demişdi. Prezident Ərdoğan NATO-nu müharibəyə çəkmək istəyir", - qəzet bildirib.