Ana səhifə Kult Sinema |
"Sağ-salamat" komediya filminin ssenaristi, "Öldür məni" və "Tərk edilmiş" filmlərinin rejissoru Korhan Uğurun "Qız qaçıran" filminin çəkilişi tamamlanıb.
Axar.az xəbər verir ki, rejissor Korhan Uğur sonuncu filmində də azərbaycanlı aktyorlara müraciət edib. Rejissor "Qız qaçıran" filmində də daha əvvəl "Tərk edilmiş" filmində əsas rollara çəkdiyi azərbaycanlı aktyorlar Könül Nağıyeva və Kamran Ağabalayev əsas rollarda çəkib.
Keçən ilin noyabrında çəkilişləri başlayan filmin prodüserliyini "Sayğın Film" (Mustafa Sayğın), Sərpilaltun Film (Sərpil Altun) və Mənəmən Prodakşn həyata keçirib. Aprelin 15-də Türkiyədə təqdimatı planlaşdırılan filmin eyni vaxtda Azərbaycanda da premyerasının olacağı təxmin edilir.
Komediya janrında çəkilən film toydan gəlinlə kürəkəni birlikdə qaçıran Əhmədin hekayəsindən bəhs edir. Film Türkiyənin İzmir şəhərində çəkilib.
Tarix
2016.02.22 / 17:51
|
Müəllif
Nilufər Muğantürk
|