Çeçenistan Respublikasının rəhbəri Ramzan Kadırov "çeçen xilafəti" yaradıb.

Axar.az xəbər verir ki, bu sözlər Rusiyanın PARNAS Partiyasının liderlərindən biri olan İlya Yaşinin "Milli təhlükəsizliyə təhdidlər" hesabatında yer alıb. Yaşin hesabatda ölkədə yaranacaq ilk destabilizasiya zamanı Çeçenistanın Rusiyanın tərkibindən çıxacağını bildirib:

"Çox az adam son illər Rusiya ərazisində yerli islam dövlətinin formalaşdığını müşahidə edir. Çeçenistan rəhbəri Ramzan Kadırov Rusiya qanunları adı altında bir sıra şəriət normalarını əsas prioritet siyasət kimi reallaşdırır və öz hərbi gücünü artırır. Kadırov bilir ki, onun arxasında şəxsən özünə tabe olan və Putinə qarşı loyallıq nümayiş etdirən döyüşkən çeçen ordusu var. Nə güc strukturları, nə də ki hökumət Kadırovu Rusiya qanunlarına tabe etdirmək səviyyəsində deyil. Kadırov Rusiyanın tərkibindən çıxmaq üçün kifayət qədər resursa sahibdir. Üstəlik, onun regiondakı bir sıra əraziləri işğal edəcəyi də istisna edilmir. Putinin Şimali Qafqaz siyasəti ölkənin cənubunda yeni genişmiqyaslı müharibə riski yaradan dövlətin formalaşmasına şərait yaradıb".