Ana səhifə İqtisadiyyat |
Dollarla depozitlərin payı ümumi əmanət portfelində 85 faizi keçib.
Axar.az xəbər verir ki, bu haqda iqtisadçı alim Vüqar Bayramov açıqlama verib. Ekspert bildirib ki, bu, əmanətlərin valyuta strukturu baxımdan kritik həddir:
"Manatın məzənnəsində yanvarın 25-dən sonra müzakirə edilən möhkəmlənmələr psixoloji faktor ilə bağlı olsa da, əhalinin dollar təklifi də diqqətdən yayınmamalıdır. Amma iqtisadi baxımdan ev təsərrüfatlarının milli valyuta tələbi hesabına bu proses uzun müddət davam edə bilməz. Müəyyən müddətdən sonra büdcə xərcləmələri manat təklifini, idxal isə dollar tələbini artıracaq. Manatla əmanətlərin banklardan götürülməsinin qarşısının alınması, eləcə də yeni depozitlərin cəlb edilməsi üçün bir sıra təbii ehtiyatlara malik olan ölkələrdə olduğu kimi banklardakı əmanətlərin dollara indeksasiyası ilə bağlı təklifimiz evlərdə saxlanan manatların banklara yönəldilməsinə və bununla da milli valyutaya təzyiqin azaldılmasına xidmət edə bilər. Məhdudlaşdırıcı siyasətdən genişləndirmə siyasətinə keçid olduqca vacibdir.
Bivalyuta səbətinə malik olan MB dolların son günlər qlobal valyuta bazarında möhkəmlənməsinə baxmayaraq, manatı möhkəmləndirir. Deməli, 2016-cı ildə manatın məzənnəsində neftin dünya bazar qiyməti istisnasız əsas faktor olacaq".
Tarix
2016.02.23 / 15:05
|
Müəllif
Aygün Yusibova
|