Ankara terrorunu törədənin şəxsiyyəti məlum olub.

Axar.az xəbər verir ki, üzərindəki bombanı partlatmaqla 29 insanın həyatına son qoyan şəxsin adı Əbdülbaki Sömərdir. Belə ki, terrorçunun atası Musa Sömərdən götürülən DNT nümunəsinə əsasən, terrorçunun kimliyi bəlli olub.

Ankara Cümhuriyyət Prokurorluğundan verilən açıqlamada cəsədi 80 hissəyə parçalanan Sömərin meyitin yaxınları tərəfindən 3 gün ərzində götürülmədiyi təqdirdə Baş Prokurorluğun göstərişi ilə torpağa basdırılacağı bildirilib.

Qeyd edək ki, fevralın 17-də Ankarada baş verən terror nəticəsində 29 nəfər ölmüş, 60 nəfər isə yaralanmışdı.