Ana səhifə Gündəm |
Fevralın 27-də Türkiyənin Bornova və İzmir şəhərlərində Azərbaycan parkı və Xocalı Soyqırımı abidəsinin açılışı olacaq.
Bu barədə Axar.az-a millət vəkili Qənirə Paşayeva məlumat verib. Deputat bu işdə əməyi olan Bornova bələdiyyə başqanı Olqun Atilaya, bələdiyyə məclis üzvlərinə, Azərbaycan Mədəniyyət Evi və Həmrəylik Dərnəyinin başqanı Mülazim Qardələn Paşaya və qurumun üzvlərinə təşəkkür edib.
Q.Paşayevanın sözlərinə görə, yaxın zamanlarda Bornova ölkəmizin gözəl bölgələrindən biri ilə qardaşlaşacaq və əməkdaşlığımız daha da genişlənəcək:
"Bornova bələdiyyə başqanı ilə Azərbaycanın Türkiyədəki səfirliyinin təhsil müşaviri Nəcibə Nəsibova, İzmirdə fəaliyyət göstərən Azərbaycan Qardaşlıq və İşbirliyi Dərnəyinin rəhbəri Asif Qurban, müavini Cavid Əliyev, eyni zamanda, Mülazim Qardələn Paşanın iştirakı ilə geniş fikir mübadiləsi apardıq. İzmirdə təhsil alan və bu bölgədə yaşayan tələbələrimizin problemlərini müzakirə etdik".
Tarix
2016.02.24 / 11:33
|
Müəllif
Aygün Yusibova
|