ABŞ Müdafiə Nazirliyinin sözçüsü Peter Kuk Türkiyə ilə PYD mövzusunda fikir ayrılıqlarının davam edəcəyini açıqlayıb.

Axar.az xəbər verir ki, Pentaqonda təşkil edilən mətbuat konfransında danışan Kuk Ankara ilə yalnız İŞİD və koalisiya məsələlərinin müzakirə olunduğunu deyib:

"Bu məsələlərdə Türkiyə ilə müzakirələr davam edir. Sərhədin həssaslığını başa düşürəm, amma bizim kökləndiyimiz nöqtə İŞİD və koalisiyadır. Türkiyə ilə eyni fikirdə olmamağa və İŞİD ilə döyüşən müəyyən qrupları dəstəkləməyə davam edəcəyik".

Xatırladaq ki, Türkiyə PYD-nin silahlı qanadı olan YPG-ni terror təşkilatı kimi görsə də, ABŞ Suriyada İŞİD-ə qarşı mübarizədə YPG-nin imkanlarından istifadəni zəruri sayır və ona dəstək verir.