Ana səhifə Planet |
Ukraynanın Milli Müdafiə və Təhlükəsizlik Şurasının rəhbəri Aleksandr Turçinov ölkənin yeni baş naziri ola bilər.
Axar.az xəbər verir ki, bu barədə Rusiyanın RT kanalı Ukrayna Prezident Administrasiyasındakı mənbələrinə istinadən məlumat yayıb.
"Arseni Yaçenyukun qalması ilə uğur qazanmaq mümkün deyil. Ali Rada və xalq onu dəstəkləmir. Müzakirələr gedir. Pyotr Poroşenko Bloku, Xalq Cəbhəsi, Radikal Partiya, Xalqın İradəsi və Özünəkömək Partiyası Turçinovu bu posta dəstəkləyir", - mənbə bildirib.
Qeyd edək ki, Ali Rada fevralın 16-da Baş nazir Arseni Yaçenyukun rəhbərlik etdiyi Nazirlər Kabinetinə etimadsızlığa dair qərarı qəbul edə bilməyib. Qərarı 194 deputat dəstəkləyib, amma etimadsızlığın qəbul edilməsi üçün 226 səs lazımdır.
Ümumilikdə isə hökumətin fəaliyyətinin bəyənilmədiyi bildirilib.
Tarix
2016.02.24 / 14:33
|
Müəllif
İlham Sahiloğlu
|