Ana səhifə Toplum |
Bu gün Siyəzəndə Heydər Əliyev Mərkəzində "Multikultural və tolerant dəyərlərimiz: tarixilik, varislik, müasirlik" mövzusunda regional konfrans keçirilib.
Bu barədə məlumat Axar.az-a Dini Qurumlarla İş üzrə Dövlət Komitəsindən daxil olub.
İcra başçısı Asif Hüseynov müxtəlif dini konfessiyaların Azərbaycanda sərbəst və qarşılıqlı anlaşma şəraitində fəaliyyət göstərdiklərini bildirib.
Komitə sədri Mübariz Qurbanlı dövlət başçısının mütəmadi olaraq dini icma liderləri ilə görüşdüyünü, onların ehtiyac və problemləri ilə maraqlandığını diqqətə çatdırıb:
"Dövlətin bu sahədə yürütdüyü siyasət nəticəsində Azərbaycan cəmiyyətində dinlərarası münasibətdə dözümlülük özünü ən yüksək səviyyədə göstərir. Azərbaycanda milli, etnik, dini nifrət yox dərəcəsindədir. Həyata keçirilən uğurlu daxili və xarici siyasət nəticəsində multikulturalizm Azərbaycanın dövlət siyasətinə və həyat tərzinə, tolerantlıq isə xalqımız üçün demokratik dəyərə çevrilib".
Tarix
2016.02.24 / 18:18
|
Müəllif
Aygün Yusibova
|