Misir Prezidenti Əbdülfəttah əs-Sisi ilk dəfə olaraq Rusiyaya məxsus Airbus A 321 təyyarəsinin Misirin Sinay yarımadasında vurulduğu faktını təsdiqləyib.

Axar.az CNN-ə istinadən xəbər verir ki, prezident sözügedən təyyarəni vuranların məqsədinin Misirin turizm sektorunu məhv etmək olduğunu açıqlayıb:

"Bu, Misirin turizm sektorunu çökdürmək, Rusiya və digər ölkələrlə mövcud olan münasibətlərini pozmaq üçün atılan bir addım idi. İnsidenti terror aktı adlandırmaq olar".

Qeyd edək ki, bu açıqlama Qahirənin A321 təyyarəsi ilə bağlı yeganə rəsmi açıqlamasıdır.

Xatırladaq ki, ötən il oktyabrın 31-də Şarm əş-Şeyx-Sankt-Peterburq reysi ilə uçan Rusiyanın "Metrojet" aviaşirkətinə məxsus A 321 təyyarəsi havaya qalxdıqdan 23 dəqiqə sonra qəzaya uğrayıb. Təyyarənin göyərtəsindəki 217 sərnişin və 7 ekipaj üzvünün hamısı həlak olub.