Kürd siyasəti hazırda imperializmə xidmət edir. Müsəlman bir kürd olaraq bunlardan utanıram.

Axar.az xəbər verir ki, bu sözləri Diyarbəkirin Sur mahalının keçmiş bələdiyyə sədri Camal Toptancı "Anadolu Agentliyi"nə açıqlamasında deyib.

O, kürd xalqının dövlətə dəstək verməsi üçün çağırış edib:

"Biz türkiyəli kürdlər İran, İraq və Suriya kürdləri kimi ola bilmədik. Allah kürd uşaqlarını narkotikə qurşanmaq, oğurluğa alışmaq və terrorçuların hədəfi olmaq üçün yaratmadı. Bizim Türkiyədən başqa nə torpağımız, nə də ölkəmiz var".

O, bölgədəki ən böyük təhlükələrdən birinin Fətullahçı Terror Təşkilatı (FETO) olduğunu bildirib:

"Fətullahın polis və məhkəmədəki adamları Türkiyə ilə psixoloji müharibə aparır. Həmçinin silahlı münaqişələrə də dəstək verirlər".