Xarici xüsusi xidmət orqanları Rusiyada öz aktivliklərini artırırlar.

Axar.az xəbər verir ki, bunu Rusiya Federal Təhlükəsizlik Xidmətinin iclasında çıxışı zamanı Prezident Vladimir Putin söyləyib. Onun sözlərinə görə, bunu 2015-ci ilin nəticələri də sübut edir.

"Rusiyada payızda keçiriləcək parlament seçkisinə hansısa xarici müdaxilə olarsa, Moskva bunu öz suverenliyinə təhdid kimi dəyərləndirəcək. Biz buna adekvat reaksiya verəcəyik. Elə edin ki, bizim cəmiyyəti millətçi, ksenofobist, radikal şüarlarla parçalamaq istəyən şəxslərin qarşısını alın. 2015-ci ildə Rusiyada xarici kəşfiyyatın 400 əməlinin qarşısı alınıb. Federal Təhlükəsizlik Xidməti həmçinin informasiya kommunikasiya resurslarının da müdafiəsini gücləndirməlidir. 2015-ci ildə Rusiyanın rəsmi saytlarına 24 milyon hücum olub".