Ana səhifə Planet |
Müəmmər Qəzzafinin devrilməsindən sonra Liviya bölünmək
təhlükəsi ilə üzləşib.
Publika.az xəbər verir ki, inqilabdan sonra Liviyada müxtəlif siyasi qruplar arasında silahlı qarşıdurmalar səngimək bilmir. Hazırda ölkədə qəbilələr və silahlı qruplar arasında nüfuz müharibəsi gedir.
2012-ci ildə keçirilən seçkilərdə hakimiyyətə gələn Milli
Quruluş Komissiyası (MQK) ilə Təmsilçilər Məclisinin qurduğu keçid
hökuməti arasında ölkənin idarə edilməsi uğrunda mübarizə davam
edir.
MQK paytaxt Tripoli ilə yanaşı, Misrata, Qaryan, Zliten, Sabrata və
Yafran şəhərlərinə nəzarət edir. Beynəlxalq birlik legitim hökumət
kimi MQK-ni tanıyır.
Lakin Təmsilçilər Məclisinin qurduğu keçid hökuməti isə ölkənin
qərbindəki Benqazi, Merc, Beyda və Tobruk şəhərlərinə hakimdir.
2014-cü ildə Trablusda keçirilən Konstitusiya Məhkəməsinin qərarı
ilə Təmsilçilər Məclisi legitimliyini itirib. Lakin Məclis
məhkəmənin Trablusda keçirilməsini əsas gətirərək qərarı tanımaqdan
imtina edir.
Liviyada iki tərəf arasındakı qarşıdurma İŞİD-in bu ölkədə
nüfuzunun artmasına səbəb olub. Məlumatlara görə, İŞİD-in əlindəki
Siirt şəhəri "əmirlik" elan edilib.
Siirt şəhəri devrilmiş prezident Müəmmar Qəddafinin təmsil etdiyi
Kazazifə qəbiləsinin vətənidir. Hazırda orada 1500-ə qədər İŞİD
döyüşçüsünün olduğu deyilir. Qərb mənbələri isə İŞİD döyüşçülərinin
sayının 3 minə qədər olduğunu iddia edir.
Hazırkı situasiyaya görə ekspertlər Liviyanın faktiki bölündüyünü
bildirirlər.
Qeyd edək ki, Yaxın Şərqdə daha bir ərəb ölkəsinin – Suriyanın da
üç hissəyə bölünəcəyi xəbərləri dolaşır.
Dünən bağlanan atəşkəsdən sonra Qərbin Suriyanı Əsəd rejimi, İŞİD və kürdlər arasında bölüşdürəcəyi deyilir.
Tarix
2016.02.27 / 17:30
|
Müəllif
Axar.az
|