Ana səhifə Toplum |
Yevlax magistral avtomobil yolunun Ağsu aşırımına yaxın
ərazisində və Şamaxının Şərədil kəndi ərazisindən keçən hissəsində
baş verən torpaq sürüşməsi ilə bağlı rəsmi açıqlama
verilib.
Axar.az xəbər verir ki, Azəryolservis ASC-nin mətbuat katibi Anar
Nəcəfli APA-ya
açıqlamasında bildirib ki, yaxın günlərdə sözügedən ərazidə bərpa
işlərinə başlanılacaq:
"Həmin yolun bir hərəkət zolağı dağıldığı üçün əraziyə qırmızı lent
çəkilib ki, avtomobillər həmin yerdən keçməsinlər. Nisbətən az
çöküntü olan digər hərəkət zolağından isə yük avtomobillərinin
hərəkətinə icazə verilmir, minik avtomobilləri isə aşağı sürətlə
oradan keçib gedirlər. Hal-hazırda ərazi ciddi nəzarət altındadır.
Həmin yerdə indiyədək heç bir sürüşmə qeydə alınmayıb. Hətta yeni
yol çəkilərkən həmin ərazi sürüşmə zonası kimi qeydə alınmayıb. Ona
yaxın ərazilərdə sürüşmə aktivliyi olan yerlər var idi və yolun
yenidən qurulması zamanı sürüşmənin qarşısının alınması üçün
qabaqlayıcı tədbir görülmüşdü. Amma indi çökən ərazi aktiv sürüşmə
yeri kimi qeydə alınmayıb və ilk dəfədir ki, sürüşmə baş verib.
Gələn həftə yolun bərpası üçün işlərə başlanılacaq və qabaqlayıcı
tədbirlər görüləcək".
Qeyd edək ki, sürüşmə zonasında çatların dərinliyi 30-40, hətta bəzi yerlərdə 60 sm-ə yaxındır. 14 km-lik Ağsu aşırımı sürüşmə zonası olduğundan, yük və ağır tonnajlı avtomobillərin hərəkətinə məhdudiyyət qoyulsa da, buna riayət olunmur.
Tarix
2016.02.27 / 18:42
|
Müəllif
Axar.az
|