Ana səhifə İqtisadiyyat |
Novruz bayramı ilə əlaqədar Bakı, Sumqayıt şəhərlərində
və Abşeron rayonunda martın 12-dən 20-dək kənd təsərrüfatı
məhsullarının satış yarmarkaları fəaliyyət göstərəcək.
Publika.az-ın
məlumatına görə, yarmarkaların mütəşəkkil keçirilməsi üçün
Nazirliyin mütəxəssislərindən ibarət işçi qrupları yarmarkalara
təhkim olunaraq satılan kənd təsərrüfatı məhsullarının
keyfiyyətinə, istehlak üçün yararlı olmasına, qiymətlərin
tənzimlənməsinə daim nəzarət edəcəklər. Eyni zamanda, yarmarkalarda
satılan bitki və heyvan mənşəli məhsulların fitosanitar və
baytarlıq nəzarətindən keçirilməsi, müayinələrin vaxtında
aparılması üçün yarmarkalar səyyar avtolaboratoriyalarla təmin
olunacaq.
Bakı şəhəri üzrə yarmarkalar Xətai rayonu, Məzahir Rüstəmov küçəsi,
Bakı kinoteatrının yaxınlığı, Nərimanov rayonu, Keşlə bazarının
ərazisi, Səbail rayonu, Badamdar qəsəbəsi, Seyran Məmmədov küçəsi
1, Məktəbin arxası, Suraxanı rayonu, Əmircan qəsəbəsi, Malik
Mustafayev küçəsi 4, 3 saylı Xüsusi Təyinatlı Mənzil-kommunal
Təsərrüfat Birliyinin yanı, Binəqədi rayonu, Dərnəgül, Koroğlu
Rəhimov küçəsi 53, Elit Ticarət Mərkəzinin yaxınlığında, Sumqayıt
şəhəri üzrə (2 yerdə)12-ci mikrorayon və köhnə avtovağzalın yanı,
Abşeron rayonu üzrə Xırdalan qəsəbəsində (Şahmat məktəbinin yanı)
təşkil ediləcək.
Tarix
2016.03.01 / 14:29
|
Müəllif
Axar.az
|