Baş rolunu ifa etdiyi "Diriliş" filminə görə "Oskar" mükafatına layiq görülən aktyor Leonardo Di Kaprio mükafatını restoranda unudub.

Axar.az xəbər verir ki, bu barədə TMZ portalı məlumat yayıb.

Hadisə Di Kaprio və həmkarlarının Los Ancelesdəki restoranların birində mükafatı qeyd etdikləri zaman baş verib. Restorandan çıxan aktyor bir neçə nəfərin əhatəsində öz avtomobilinə doğru gedərkən əlində heykəlcik olan bir nəfər ona yaxınlaşıb. Həmin şəxs "Oskar"ı ona göstərərək, "Siz bunu özünüzlə götürmək istəyirsiz?" deyib. Aktyor isə həmin şəxsə yanındakılardan birini göstərərək, "Denə ver" deyərək, mükafatı onun əlindən yox, başqasının əlindən alıb.