2015-ci ilin avqustundan 2016-cı ilin yanvarına qədər Çindən gizli şəkildə 328 milyard dollar kapital çıxardılıb.

Axar.az xəbər verir ki, bu barədə informasiyanı "Doyçe Bank" yayıb. Bank idxal və ixrac haqqında dəqiq informasiyaların verilməməsinin kapitala nəzarətin itirilməsinə səbəb olduğunu bildirib:

"Çin 2015-ci ildə idxal etdiyi məhsullara görə 2,2 trilyon ödəyib. Lakin gömrükdə yalnız 1,7 trilyon dollarlıq idxal qeydə alınıb. Bazar yuanın ucuzlaşmasını gözləyəndə bu uçurum daha da artır. Çin hökuməti son illər kapitalın axınına nəzarəti gücləndirsə də, əvvəlki illərdəki tempi aşağı sala bilməyib. Böyük ehtimalla hökumətin özü belə pulun ölkədən necə çıxma mexanizmlərini bilmir".