Ana səhifə Gündəm |
Ermənistanın kiber ordusuna məxsus səhifələr darmadağın edilib.
Axar.az xəbər verir ki, "Monte Melkonyan Kiber Ordusu" ("Monte Melkonian Cyber Army") adlanan qrupa qarşı hücumu Azərbaycanın "Anti-Ermənistan Komandası" ("Anti-Armenia Team") qrupu təşkil edib. Nəticədə Ermənistana məxsus "Monte Melkonyan Kiber Armi" adı altında fəaliyyət göstərən kiber terrorçu qrupa məxsus səhifələr zərərsizləşdirilib.
"Anti-Armenian Team" qrupunun üzvlərinin yaydığı məlumatda həmçinin erməni hakerlərini Melkonyanın aqibətinin gözlədiyi bildirilib:
"ASALA üzvü, terrorçu Monte Melkonyanın özü kimi adını daşıdığı qrup da internet məkanında terror əməlləri ilə məşğul olub, lakin onu da elə Melkonyanın taleyi gözləyir. Azərbaycan silahlı qüvvələri tərəfindən 1993-cü ildə məhv edilən Melkonyanın aqibəti bu qrupa da yazılıb və kiber ordu məhz azərbaycanlı hakerlər tərəfindən zərərsizləşdirilib".
"Anti-Armenia Team" bəyan edib ki, bundan sonrada Azərbaycan əleyhinə dezinformasiya yayan qruplarla mübarizəsini tam gücü ilə davam etdirəcək.
Qeyd edək ki, "Monte Melkonian Cyber Army" dəfələrlə Azərbaycanın internet məkanına hücumlar təşkil edib. Həmçinin, Azərbaycan əleyhinə dezinformasiya xarakterli informasiya yaymaqla məşğul olub.
Tarix
2016.03.03 / 17:13
|
Müəllif
Axar.az
|