ABŞ hərbi gəmiləri Cənubi Çin dənizindəki mübahisəli adalar hesab edilən əraziyə yan alıb.

Axar.az xəbər verir ki, əraziyə gələn hərbi gəmilər sırasında təyyarədaşıyan "Con C. Stennis" və iki kreyserin olduğu bildirilir. ABŞ bununla Çinin Cənubi Çin dənizində hərbi aktivliyinə mane olmağa, gəmilərin bu ərazilərdən rahat keçidini təmin etməyə çalışır.

Qeyd edək ki, Çin bir müddət öncə Spratli adaları ilə bərabər, Parasel adalarından biri olan Vudiyə də öz qırıcılarını göndərib. Bu ərazilərə Çinlə bərabər Vyetnam da iddia edir. Spratli adaları uğrunda isə Çin, Filippin, Malaziya, Vyetnam mübarizə aparır.