Rusiya Prezidenti Vladimir Putin, Böyük Britaniya Baş naziri Devid Kemeron, Almaniya kansleri Angela Merkel, İtaliya Baş naziri Matteo Rentsi, Fransa Prezidenti Fransua Olland arasında tele-konfrans baş tutub.

Axar.az xəbər verir ki, bu barədə informasiyanı Rusiya prezidentinin rəsmi saytı yayıb. Konfrans zamanı prezidentlər Suriya böhranını müzakirə ediblər.

Tərəflər görüş zamanı Suriyada atəşkəs əldə olunması ilə bağlı Rusiya-Amerika razılaşmasını yüksək qiymətləndiriblər və bunun sayəsində böhranın həlli ilə bağlı ilkin pozitiv nəticələrin əldə olunduğunu bildiriblər. Liderlər həmçinin İŞİD, Nüsra Cəbhəsi və digər terror təşkilatlarına qarşı mübarizənin davam etdirilməsinin vacibliyini vurğulayıblar.