Ana səhifə Toplum |
Fransanın Azərbaycandakı səfiri xanım Orelia Buşez Azərbaycan Dövlət İqtisad Universitetində (UNEC) olub.
Axar.az xəbər verir ki, görüşdə rektor, professor Ədalət Muradov dünyanın və Avropanın nüfuzlu universitetləri ilə əməkdaşlıq əlaqələrinin genişləndirilməsinin və ən mütərəqqi təhsil modelinin ADİU-ə gətirilməsinin prioritetlər sırasında olduğunu bildirib.
Universitetin beynəlxalq əlaqələrindən danışan rektor ADİU-nin Türkiyənin Mövlanə proqramına qoşulduğunu və universitetin 100-ə yaxın müəllim və tələbəsinin bu proqramdan yararlandığını vurğulayıb. Rektor bildirib ki, UNEC Erasmus+ proqramı çərçivəsində Avropanın 10 ən nüfuzlu universiteti ilə razılıq əldə edib. Razılığa əsasən, bu il UNEC-in 103 müəllim və tələbəsi həmin universitetlərdə mübadilə proqramında iştirak edə biləcəklər.
Qeyd edək ki, aprel ayında Fransanın qədim Monpelye Universiteti ilə əməkdaşlıq müqaviləsi imzalanacağı nəzərdə tutulur.
Tarix
2016.03.04 / 18:32
|
Müəllif
Fatimə İbrahimova
|