Ana səhifə Gündəm |
İki dövlət arasındakı oturuşmuş əməkdaşlıq münasibətləri onlara imkan verir ki, regional və həm də qlobal mahiyyətə malik problemlərdə də birgə səylərlə konstruktiv gedişlər reallaşdırsınlar.
Bu sözləri Axar.az-a açıqlamasında politoloq Tofiq Abbasov Rusiyanın yüksək səviyyəli hökumət nümayəndələrinin Azərbaycana səfərini şərh edərkən deyib.
Analitik qeyd edib ki, iki qonşu ölkənin birgə potensialı ilə xeyli işlər görülüb və gələcəkdə də görüləcək:
"Hazırda heç kəsə sirr deyil ki, günü-gündən təhdid və çağırışlar, riskli məqamlar artır. Onlarla bağlı tədbirlərin görülməsi, əks-təsirlərin olması əhəmiyyətli məsələyə çevrilir. Bölgədə Azərbaycan və Rusiya vacib ölkələr olaraq ikitərəfli əməkdaşlıq formatında təkcə özlərinə aid məsələlər deyil, həm də ümumi işlərin həllinə diqqət yetirirlər. Münasibətlərin inkişafı, sabit nizamın oturuşması yolunda vaxtaşırı danışıq və məsləhətləşmələrin keçirilməsi labüddür. Bu baxımdan qarşılıqlı səfərlərin tez-tez baş verməsi anlaşılandır. Bir də nəzərə almaq lazımdır ki, beynəlxalq əlaqələr sistemində Azərbaycan-Rysiya münasibətləri artıq pozitiv amil kimi qiymətləndirilir. Bu diqqətçəkən məqamdır".
Qeyd edək ki, dünən Rusiya Baş nazirinin müavini Dmitri Roqozin ölkəmizə səfər etmişdi. Bu gün isə Rusiya Xarici İşlər nazirinin müavini Qriqori Karasin Bakıya gəlir.
Tarix
2016.03.04 / 21:54
|
Müəllif
Kamran Ədalət
|