Ana səhifə Toplum |
Dövlət Gömrük Komitəsi mütəmadi olaraq kommersiya məqsədilə Gürcüstan Respublikasına səyahət edən bir qrup şəxsin yaydıqları yalan məlumat barədə açıqlama verib.
Dövlət Gömrük Komitəsinin mətbuat xidmətindən Axar.az-a verilən məlumatda bildirilir ki, mütəmadi olaraq kommersiya məqsədilə Gürcüstan Respublikasına səyahət edən bir qrup şəxs əlilliklərindən və cəmiyyətdəki bəzi statuslarından istifadə edərək son günlərdə bu ölkədən gətirdikləri şəxsi istehlak miqdarından artıq mallara görə rüsum və vergiləri ödəməkdən imtina edir və bu tələbləri yerinə yetirilmədikdə asayişi pozmağa çalışır, vətəndaşların, eləcə də nəqliyyat vasitələrinin gömrük sərhəddindən normal keçidinə maneələr yaradır, müxtəlif media qurumları vasitəsilə Dövlət Gömrük Komitəsi və onun səlahiyyətli şəxsləri haqqında həqiqətə uyğun olmayan iddialar səsləndirirlər.
Dövlət Gömrük Komitəsi bir daha bildirir ki, Azərbaycan Respublikası Nazirlər Kabinetinin 305 nömrəli qərarı ilə təsdiq edilmiş "Fiziki şəxslər tərəfindən istehsal, yaxud kommersiya məqsədləri üçünnəzərdə tutulmayan malların gömrük sərhədindən keçirilməsinin güzəştli və sadələşdirilmiş qaydalari"nın 2.1.11-ci maddəsinə əsasən fiziki şəxslər şəxsi istifadəsi üçün gömrük sərhədindən 10 kiloqrama qədər ərzaq məhsullarını (nərə cinsli balıq istisna olmaqla) hər hansı rüsum ödəmədən keçirə bilərlər.
Tarix
2016.03.05 / 12:47
|
Müəllif
Aytac Qədirova
|