Ana səhifə Planet |
Rusiya İrana S-300 zenit raket qurğusunun sonuncu modifikasiyasını verəcək.
Axar.az xəbər verir ki, bunu "Vol Strit jurnal" qəzetinə müsahibəsində Rostex dövlət korporasiyasının rəhbəri Sergey Çemezov söyləyib. Onun sözlərinə görə, İran tərəfi Antey-2500 kompleksini almaqdan imtina edib:
"Onlar bizdən S-300PMU-1 modelini istədilər. Biz onlara Antey-2500-ü təklif etdik, amma onlar bundan imtina edib, inadla S-300-ləri istədiklərini söylədilər. Bu zaman biz razılıq verdik. Ümumiyyətlə, bu S-300-ün xaricə sonuncu satılan modeli olacaq. Böyük ehtimalla S-300 bir daha istehsal edilməyəcək".
Qeyd edək ki, 2007-ci ildə İran Rusiya ilə 5 ədəd S-300 zenit raket kompleksinin alınması ilə bağlı müqavilə imzalayıb. Müqavilənin dəyəri 800 milyon dollar olub. Lakin 2010-cu ildə İrana qarşı tətbiq edilən BMT sanksiyaları Moskvanın İrana bu kompleksləri verməsində problemlər yaradıb.
Tarix
2016.03.11 / 11:56
|
Müəllif
İlkin Həsənov
|