Ana səhifə Planet |
Rusiya Prezidenti Vladimir Putin bilir ki, Ukrayna NATO üzvü deyil və ona görə də Kiyevlə bağlı addımlarında rahatdır.
Axar.az xəbər verir ki, bunu Ukraynanın "Espresso TV" kanalına müsahibəsində ABŞ-ın Azərbaycandakı eks-səfiri Metyu Brayza söyləyib. Onun sözlərinə görə, 2008-ci ildə keçirilən Buxarest sammitində Ukraynanın NATO-ya üzv olmaması əsil faciə idi:
"Buna görə bütün məsuliyyət Almaniya kansleri Angela Merkelə aiddir. Prezident Corc Buş o zaman mübarizə apardı, amma mübarizəni xanım Merkel uddu. Merkel indi dəyişib. Məhz Rusiyanın Ukraynaya hücumu onu dəyişdirib. Ukraynada hazırkı siyasi situasiya onun NATO-ya üzv olmasına imkan vermir".
Qeyd edək ki, Buxarest sammiti 2008-ci ildə baş tutub. Bu sammitdə Albaniya və Xorvatiya NATO-ya üzv qəbul olunublar, Gürcüstan və Ukraynanın da NATO-ya üzv olacağı gözlənilsə də, sonda Almaniya və Fransa buna qarşı çıxıblar.
Tarix
2016.03.11 / 12:42
|
Müəllif
İlkin Həsənov
|