AFFA 2015-ci ildə UEFA tərəfindən Azərbaycan klublarına ayrılıan maliyyə vəsaitinin məbləğini açıqlayıb.

Qol.az xəbər verir ki, qurumun ötən il üçün hazırlanan hesabatında qeyd olunub ki, klubların Çempionlar Liqası və Avropa Liqasındakı çıxışı ilə əlaqədar və digər layihələrə görə UEFA tərəfindən ayrılan maliyyə vəsaitləri AFFA-nın hesabına və müvafiq olaraq AFFA tərəfindən klubların hesabına köçürülüb.

Avrokubok yarışlarındakı iştiraka görə "Qarabağ"a 4 milyon 888 min 980 manat, "Qəbələ"yə 3 milyon 639 min 975 manat, "Neftçi"yə 293 min 854 manat, "Rəvan"a (gənclər arasındakı yarışa görə) 29 min 853 manat vəsait ödənilib.

Qeyd edək ki, 2015/16 mövsümündə Avroliqada iştirak edən "İnter" klubunun xərclərini, maliyyə problemi ilə üzləşməsi səbəbindən AFFA ödəyib.