Ana səhifə Toplum |
23:48
ATV telekanalının əməkdaşlarının olduğu avtomobil Bərdədə qəzaya düşüb.
APA-nın Qarabağ
bürosunun məlumatına görə, avtomobil Qarabağ su kanalının Bərdə
rayonu Mirzalıbəyli kəndi ərazisindən keçən hissəsində körpü
üzərində dönmə əməliyyatını düzgün həyata keçirmədiyi səbəbindən
suya düşüb.
ATV telekanalından faktı təsdiqləyiblər. Telekanalın Xəbərlər
departamentinin rəhbəri Vaqif Aydınoğlu bildirib ki, qəza
nəticəsində sürücü Cehyun Sultanovun ayağı sınıb. "Ləziz Macəra"
verilişinin aparıcı Aysel Nazimqızı isə yüngül xəsarət alıb.
Hazırda hər iki şəxs Bərdə Rayon Mərkəzi Xəstəxanasına
yerləşdirilib. Onların vəziyyəti normaldır.
"ATV rəhbərliyi dərhal hadisə ilə maraqlanıb, Bərdə rayonu ilə
əlaqə saxlanılıb və xəsarət alan əməkdaşlarımıza lazımi tibbi
yardımın göstərilməsi üçün tədbirlər görülür", - Vaqif Aydınoğlu
deyib.
00:47
Bərdədə qəza nəticəsində xəsarət alan ATV telekanalının əməkdaşlarının müayinələri başa çatıb.
ATV telekanalından APA-ya bildirilib ki, həkimlərin verdiyi rəyə əsasən, sürücü Cehyun Sultanovun ayağı əzilib. Operator Farid Vəliyev və "Ləziz Macəra" verilişinin aparıcı Aysel Nazimqızı isə yüngül xəsarət alıb. Hər üç şəxsin müalicəsi Bərdə Rayon Mərkəzi Xəstəxanasında davam etdirilir.
Tarix
2016.03.15 / 00:47
|
Müəllif
Axar.az
|