Ana səhifə Planet |
İstanbul terrorunu araşdıran istintaq qrupu hadisənin PKK terrorçuları tərəfindən törədildiyi qənaətinə gəlib.
Axar.az "Röyter"ə istinadən xəbər verir ki, bu barədə adının açıqlanmasını istəməyən Ankara rəsmisi məlumat verib:
"İlkin məlumata görə, İstanbul hücumu PKK və ya PKK tərəfindən dəstəklənən təşkilatlardan biri tərəfindən törədilib. Hadisəni törədənin kimliyi araşdırılır. Terrorçu partlayışın planlaşdırıldığı ünvana çatmadan polisdən qorxduğu üçün bombanı partladıb. Hədəf daha izdihamlı bir yer olub".
Ankara rəsmisi PKK-nın Novruz bayramı ərəfəsində silsilə hücumlar hazırladığını deyib:
"Bu istiqamətdə cəhd və hazırlıqlar olduğunu bilirik. Bu dövrdə yeni hücumlar həyata keçirilə bilər. Biz də aqressiv şəkildə və sərt tədbirlərlə bu hücumların qarşısını almağa çalışacağıq. Son bir neçə gün ərzində Suriyadan Türkiyəyə terror aktı həyata keçirmək üçün gələn PKK üzvləri canlı ya da ölü olaraq ələ keçirilib".
Xatırladaq ki, İstiqlal küçəsində baş verən terror aktı nəticəsində 5 nəfər ölüb, 36 nəfər isə yaralanıb.
Tarix
2016.03.19 / 16:16
|
Müəllif
İlham Sahiloğlu
|