Ana səhifə Toplum |
Aprelin 23-də gecə saatlarında texnika elmləri doktoru,
professor, AZVİRT MMC-nin baş direktoru Əli Musa oğlu Əliyev uzun
sürən xəstəlikdən sonra vəfat edib.
AZVİRT MMC-dən APA-ya
verilən xəbərə görə, Əli Əliyev 1933-cü il may ayının 20-də
Ermənistanın Vedi rayonunda anadan olub.
1972-ci ildə Bakı Xüsusiləşdirilmiş Yol Trestinə rəis təyin edilib.
1999-cu ildən AZVİRT MMC-nin baş direktoru vəzifəsində çalışıb.
Ə.Əliyev Qırmızı Əmək Bayrağı ordeni ilə, bir çox medallarla və
Azərbaycan SSRİ Ali Sovetinin fəxri fərmanı ilə mükafatlandırılıb.
Prezident İlham Əliyevin 2010-cu ildə imzaladığı sərəncamla Əli
Musa oğlu Əliyev Azərbaycanda tikinti kompleksinin inkişafındakı
xidmətlərinə görə "Şöhrət" ordeni ilə təltif edilib.
Ə.Əliyev 80-ə qədər elmi iş, monoqrafiyalar, "Yol-tikinti
materialları" adlı dərsliyin, "Nəqliyyat magistrallarının
tikintisinin əsasları" və "Avtomobil yollarının və aerodromların
tikintisi" kitablarının müəllifidir.
Allah rəhmət eləsin!
Tarix
2016.04.24 / 01:15
|
Müəllif
Axar.az
|