Bu gün futbol üzrə Çempionlar Liqasının yarımfinal mərhələsinin ilk oyunlarına yekun vurulacaq.

Axar.az xəbər verir ki, ikinci oyun günündə İspaniyanın "Atletiko Madrid" klubu Almaniya "Bavariya"sını sınağa çəkəcək.

Hər iki komanda yarımfinalın ilk görüşünə itkilərlə çıxacaq. Qonaqların heyətində uzun müddətdir zədədən əziyyət çəkən Aryen Robben və Badstuber oynamayacaq. İspaniya təmsilçisinin heyətində isə Tyaqu Mendiş və Diyeqo Qodin oyunu tribunadan izləyəcək.

"Visente Kalderon"da keçiriləcək oyun Bakı vaxtı ilə 22:45-də başlayacaq.

Xatırladaq ki, dünən İngiltərədə "Mançester Siti" və "Real Madrid" arasında keçirilən matç qolsuz bərabərliklə yekunlaşıb.