Bu gün futbol üzrə Çempionlar Liqasının yarımfinal mərhələsinin ilk oyunlarına yekun vurulub.

Axar.az xəbər verir ki, ikinci oyun günündə İspaniyanın "Atletiko Madrid" klubu Almaniya "Bavariya"sını sınağa çəkib.

Hər iki komanda yarımfinalın ilk görüşünə itkilərlə çıxıb. Qonaqların heyətində uzun müddətdir zədədən əziyyət çəkən Aryen Robben və Badstuber oynamayıb. İspaniya təmsilçisinin heyətində isə Tyaqu Mendiş və Diyeqo Qodin oyunu tribunadan izləyib.

Görüş meydan sahiblərinin 1-0 hesablı qələbəsi ilə yekunlaşıb. Yeganə qolun müəllifi "Atletiko"nun oyunçusu Savun olub.

Xatırladaq ki, dünən İngiltərədə "Mançester Siti" və "Real Madrid" arasında keçirilən matç qolsuz bərabərliklə yekunlaşıb.