Ana səhifə İqtisadiyyat |
Türkiyənin Konya vilayətinin Bayşəhər rayonunda hazırlanan travmatik silahı Rusiya polisi ölkədə ictimai hadisələr zamanı istifadə edir.
Axar.az xəbər verir ki, firmanın sahibi Bayşəhər Silah Sənayeçilərinin sədri Nəvzat Dəmirəl "Anadolu Agentliyi"nə açıqlamasında silahı dünyanın 99 ölkəsinə ixrac etdiklərini bildirib.
O, Türkiyə ilə Rusiya arasında baş verən "qırıcı qalmaqalı"ndan sonra bu ölkəyə silah ixracının zəiflədiyini deyib:
"Təxminən 30 ildir silah istehsalı ilə məşğuluq. Ən çox ixrac etdiyimiz modellərin başında travmatik silahlar gəlir. Türkiyədə istifadəsi qadağan olduğu üçün sadəcə ixracla məşğuluq. İxrac etdiyimiz ölkələr arasında Rusiya da var. Rusiya polisi ictimai hadisələr zamanı bu silahdan istifadə edir. İki ölkə arasında baş verən hadisədən sonra (Türkiyənin 2015-ci ilin noyabrında Rusiyanın Su-24 təyyarəsini vurması nəzərdə tutulur) Rusiyaya silah satışımız azalıb".
Tarix
2016.04.28 / 14:37
|
Müəllif
İlham Sahiloğlu
|