Ana səhifə Planet |
ABŞ tarixində ən böyük hərbi yardımı İsrailə edəcək.
Axar.az xəbər verir ki, bu barədə Ağ Ev sözçüsü Coş Ernest məlumat verib.
Vaşinqton rəsmisi razılaşma üzərində çalışdıqlarını, ancaq həll edilməsi lazım olan bəzi texniki detalların qaldığını deyib.
Qeyd edək ki, ABŞ ilə İsrail arasında 2018-ci ildə sona çatacaq hərbi yardım razılaşmasının uzadılmaması iki ölkə arasında soyuqluğa səbəb olmuşdu. Sazişin aqibətinin qeyri-müəyyən olduğu bir vaxtda 83 senator hərbi yardımın uzadılması üçün Prezident Barak Obamaya məktub yazmışdı. Məktubda "İsrailin müdafiə mövzusundakı ehtiyaclarının artdığı bir dövrdə bizim dəstəyimiz lazımdır" sözlərinə yer verilmişdi.
"Röyter"in məılumatına görə, qarşıdan gələn prezident seçkiləri hakim partiyanı güzəştə getməyə məcbur edir. Vaşinqtondakı qaynaqların agentliyə verdiyi məlumata görə, hərbi yardımın uzadılması yaxın vaxtlarda təsdiq ediləcək.
Xatırladaq ki, bir müddət öncə İsrailin Baş naziri Binyamin Netanyahu ABŞ-dan illik hərbi dəstəyin 4,5 milyard dollara çatdırılmasını xahiş etmişdi. Lakin Obama administrasiyası bu tələbi qəbul etmədiyindən yəhudi lider Vaşinqton səfəri zamanı ABŞ prezidenti ilə görüşməmişdi.
Tarix
2016.04.28 / 15:02
|
Müəllif
Hacı Qulu
|