Qarabağdakı separatçıların yardımına göndərilmiş Ermənistandan olan könüllülər qondarma rejim üçün problemə çevrilib.

Axar.az xəbər verir ki, bu barədə informasiyanı Ermənistanın "Qraparak" qəzeti yayıb.

Mayın 1-də Qarabağa gələcək yeni könüllü batalyonlardan Qarabağ separatçı rejiminin artıq imtina etdiyi vurğulanır. Qəzetin yazdığına görə, Qarabağa göndərilən könüllülər özlərini sanatoriyadakı kimi hiss edirlər. Cəbhəyə gələn "qəhrəmanlar" hətta gecələri belə əsgər kazarmalarında keçirmək istəmirlər:

"Onlar gündüz vaxtı döyüş mövqelərində olurlar, axşamlar isə mehmanxanalara qayıdırlar. Lakin buna rəğmən onlar ordu üçün nəzərdə tutulmuş bütün imkanlardan istifadə edirlər".

Qeyd edək ki, bütün bu faktlar ermənilərin hələ də 90-cı il döyüş təfəkküründə qaldığını, ordunun bərbad durumuna bir daha ortaya qoyur.