Ermənistan Xarici İşlər naziri Eduard Nalbandyan Qarabağın separatçı rejimi ilə hərbi yardım razılaşması imzalamağa hazırlaşdıqlarını açıqlayıb.

Axar.az xəbər verir ki, hazırlıq prosesinin çox çətin olduğunu da vurğulayıb.

"Çalışmalar tamamlandıqdan və əlaqədar təşkilatlar münasibət bildirdikdən sonra müqavilə imzalanacaq", - Nalbandyan qeyd edib.

Xatırladaq ki, Azərbaycanın Dağlıq Qarabağ və işğaldakı digər 7 rayonunda Ermənistan ordusu yerləşir. Ermənistanın çağırış yaşına çatmış gənclərinin böyük hissəsi, həmçinin erməni muzdlu əsgərləri Azərbaycanın Qarabağında xidmət keçirlər. Belə olan halda Nalbəndyanın Qarabağ separatçıları ilə hərbi yardım razılaşması imzalayacaqlarını açıqlaması gülüncdür.