Ukraynanın Minsk danışıqlarında iştirak edən nümayəndəsi Roman Bezsmertni prosesdən çıxmaq barədə qərar verib.

Axar.az xəbər verir ki, Minsk danışıqlarında iştirak edən vasitəçi qrupun nümayəndəsi Bezsmertni açıqlamasında prosesdən çıxmaq qərarını belə əsaslandırıb:

"Mən artıq növbəti görüşlərə getməyəcəyəm. Ən azı buna ümid edirəm. Özüm üçün məsələni həll etdim və bu barədə danışıqlarda iştirak edənlərə məlumat verdim. Həyatımda bu mərhələni bitirirəm. Danışıqların perspektivlərinə gəlincə, necə olur ki, Minsk razılaşması ilə bağlı öhdəliklər yerinə yetirilmir? Bu danışıqların ilk bəndlərinə belə əməl edilməyib".

Qeyd edək ki, Ukrayna-Rusiya arasında Donetsk münaqişəsi ilə bağlı Minsk razılaşması əldə edilib. Razılaşmanın ilk bəndinə əsasən, tərəflər atəşkəs rejiminə əməl etməlidir, ancaq münaqişə zonasında separatçılar mütəmadi olaraq atəşkəs rejimini pozur.