Gürcüstan, Moldova, Ukrayna və Bolqarıstanın ardınca Kreml Avropadakı sonuncu dayağı Serbiyanı da itirəcək.

Axar.az xəbər verir ki, bunu Ukrayna mətbuatına müsahibəsində gürcüstanlı politoloq Oleq Panfilov söyləyib.

Onun sözlərinə görə, serblər slavyanların cənub qrupuna aid olsalar da, ruslarla demək olar ki, heç bir ortaq bağlılığa malik deyillər.

O, serblərin Balkan xalqlarının xüsusilə türklərin güclü təsirinə məruz qaldığını bildirib:

"Kremlin problemləri 2006-cı ildən başladı. O zaman Montoneqro referendum keçirərək, Serbiyadan ayrıldı. 2009-cu ildə Serbiya Avropa Birliyinə üzv olmaq üçün əsas namizədlərdən biri oldu. Hazırkı Baş nazir Aleksandr Vuçiçin ölkəni AB-yə aparmaq üçün yaxşı şansı yaranıb. Kreml artıq keçmiş dostlar tərəfindən atılaraq, təklənib. Sonuncu bir neçə ölkə qalır ki, Rusiya onlarla vuruşaraq son imkanlarını da məhv edir".