"2014-2016-cı illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqram"ına əsasən, Qaradağ rayonu Sahil qəsəbəsinin bir neçə küçəsində eyni vaxtda təmir işləri aparılır.

Azəravtoyol ASC-dən Axar.az-a verilən məlumata görə, təmir işləri Emin Quliyev küçəsinin 360 metr, Zahid Qasımov küçəsinin 530 metr, Rövşən Rzayev küçəsinin 210 metr və Bəxtiyar Əliyev küçəsinin 550 metr uzunluğunda olan hissələrini əhatə edir.

Təmir işləri çərçivəsində E.Quliyev küçəsinin 3600 m2 , Z.Qasımov küçəsinin 3700 m2 , R.Rzayev küçəsinin 1500 m2 , B.Əliyev küçəsinin isə 4200 m2 hissələri olmaqla, ümumilikdə 13 min m2 əraziyə yeni asfalt-beton örtüyünün döşənməsi işləri aparılır.

Bundan başqa Emin Quliyev küçəsində 400 paqon-metr səki daşı da yenisi ilə əvəzlənib.