Azərbaycana sülhməramlıların yeridilməsi ilə bağlı heç bir təklif verilməyib.

Axar.az xəbər verir ki, bunu Rusiya mətbuatına açıqlamasında politoloq Rasim Musabəyov söyləyib. Onun sözlərinə görə, 600 min azərbaycanlı öz torpaqlarında yaşamaq imkanlarından məhrum olub və bu, Azərbaycan üçün dözülməz situasiyadır:

"Bakıya gələn Lavrov da anlayır ki, heç olmasa, işğal edilmiş rayonlarımızın bir qismindən erməni silahlı birləşmələrini çıxarmadan Azərbaycanla Qarabağda sülh rejiminin daha bir müddət qorunub saxlanılması barədə danışıqlar aparmaq mənasızdır. Azərbaycan öz ərazilərinin bundan sonra da işğal altında qalması ilə barışmayacaq. Budapeşt sammitinin qərarı var ki, Qarabağda tərəflərdən heç birinin sülhməramlı kontingenti 30%-dən çox ola bilməz. Buraya sülhməramlı kontingentin gətirilməsi yalnız erməni qoşunlarının Azərbaycan ərazisindən çıxarılmasından sonra imzalanan hərbi konfliktin bitməsi haqqında müqavilə çərçivəsində mümkün ola bilər. Əks halda buraya sülhməramlılar yeridib, hazırkı status-kvonu saxlamağa Azərbaycan heç vaxt izn verməyəcək".