Ana səhifə Toplum |
Dövlət Gömrük Komitəsinin sədri, gömrük xidməti general-leytenantı Aydın Əliyev bu gün Şəki şəhərində Yevlax Gömrük İdarəsinin Şəki gömrük postunun inzibati binasında vətəndaşları qəbul edib.
Komitənin mətbuat xidmətindən Axar.az-a verilən məlumata görə, qəbulda bölgədə yerləşən - Şəki, Oğuz, Qəbələ rayonlarının və Mingəçevir şəhər sakinlərinin müraciətləri dinlənilib. Vətəndaşların müraciətləri əsasən işə qəbul, malların idxal və ixracı, bununla əlaqədar sənədləşmə qaydaları və digər gömrük məsələləri ilə bağlı olub.
Qəbul zamanı DGK sədri Aydın Əliyev hər bir vətəndaşın müraciətini dinləyib və qaldırılan məsələlərin qanunvericiliyə uyğun həlli barədə müvafiq strukturların rəhbərlərinə tapşırıqlarını verib.
Vətəndaşların qaldırdıqları məsələlərin bir qismi yerindəcə həll olunub. DGK-nın səlahiyyətlərinə aid olmayan məsələlərlə bağlı müraciətlər isə müvafiq orqanlara çatdırılmaq üçün qeydiyyata alınıb və nəzarətə götürülüb.
Tarix
2016.04.29 / 16:36
|
Müəllif
Aytac Qədirova
|